കൂടങ്കുളം: ആഘോഷക്കമ്മറ്റികള് എവിടെ?
---------------
രണ്ട് വര്ഷം മുമ്പ് ജനകീയ പ്രതിരോധങ്ങളെ തല്ലിത്തകര്ത്ത് ആഘോഷപൂര്വ്വം രാജ്യത്തിന് സമര്പ്പിച്ച കൂടങ്കുളം ആണവ നിലയം ഇക്കാലയളവില് എത്രകണ്ട് വൈദ്യുതി ഉത്പാദിപ്പിച്ചുവെന്ന് ആരെങ്കിലും ഒന്നന്വേഷിച്ചാല് നന്നായിരുന്നു. കമ്മീഷന് ചെയ്ത കാലം തൊട്ട് നിരവധി കാരണങ്ങള് കൊണ്ട് ആവര്ത്തിച്ച് അടച്ചിടപ്പെട്ടുകൊണ്ടിരിക്കുന്ന നിലയം ലോകത്തില് തന്നെ അപൂര്വ്വ മാതൃകയായിരിക്കുകയാണ്.
System tripping എന്ന പേരില് നിരന്തരമായി അടച്ചിടപ്പെട്ടുകൊണ്ടിരിക്കുന്ന ഈ നിലയം turbine room ലേക്കുള്ള Steam Leak കാരണം ഫെബ്രുവരി നാലാം തീയ്യതി മുതല് വീണ്ടും അടച്ചിട്ടിരിക്കുകയാണ്. പുറത്തുവരാത്ത പല ഗുരുതരമായ വീഴ്ചകളും ഈ നിലയത്തില് സംഭവിച്ചുകൊണ്ടിരിക്കുകയാണ്. Control Rodകള് താഴ്ത്തുന്നതില് സംഭവിച്ച പിഴവുകളെത്തുടര്ന്ന് അവയെ പൊതിഞ്ഞിരിക്കുന്ന Zirconium പാളികള് തകര്ന്ന അവസ്ഥ വരെ കൂടങ്കുളത്തു സംഭവിച്ചിരിക്കുന്നു. ഗുരുതരമായ ഈ പ്രശ്നത്തെ നിസ്സാരവല്ക്കരിക്കാനാണ് ഔദ്യോഗികശ്രമം...
